من النهارده دي بلدنا جميعاً أنا وأنت
ماترميش زبالة،
ماتكسرش إشارة،
ماتدفعش رشوة،
ماتزوّرش ورقة،
اشتكي أي جهة تقصّر في شغلها،
اشتغل بضمير ،
ما تشتمش ،
ما تكذبش ،
ما تظلمش،
عاتب بأدب،
اختلف بأخلاق ،
احترم الكبير،
ارحم الضعيف ،
ما تعاكسش البنات في الشارع،
ما تعليش الكاسيت علشان ما يضايقش غيرك،
اتعلم تقول من فضلك، لو سمحت، متشكر، آسف علي الخطأ لأي حد مهما كان،
لما تشوف حاجه غلط حاول تصلحها بشكل حضاري،
ما تضايقش جيرانك،
ما تقولش أبدا "و أنا مالي" .. لأنه كله مالك دلوقتي،
عامل الفراش و الكناس و الزبال و الشغالة بكل أدب و احترام،
و ماتنساش تقول شكرا و من فضلك ،
و ما تنساش أنهم شايلين عنك كتير،
اتسم في وش عسكري المرور و ناوله زجاجه مياه لو تقدر،
ساعد عجوز لعبور الشارع، وسع للكبير و المريض و العاجز،
حب لغيرك ما تحبه لنفسك،
حافظ علي ممتلكات غيرك زي نفسك،
كف الأذى عن الطريق،
سلم و صبح و مسي علي كل باب و مدخل و أنت داخل و خارج،
اعمل كل حاجه صح ... و بأدب و رقي و أخلاق ،
غير من نفسك أولاً
علشان نتغير كلنا
علشان أخلاق الفترة اللي فاتت الجميلة
تفضل عايشه جوانا
علشان نفضل أعظم شعب و خير جنود الله في الأرض
ليست هناك تعليقات:
إرسال تعليق
زيارتك تسرنا وتعليقك يفيدنا والمدون غير مسئول عما ينشر من تعليقات فالتعليقات مملوكة لصاحبها